ವುಝೂವಿನ ಕ್ರಮ-ವಿದಾನ

   1.    ಮನಸ್ಸಿನಲ್ಲಿ ವುಝೂವಿನ ಸಂಕಲ್ಪ ಮಾಡಿರಿ. [ಬುಖಾರಿ]

    

   2.   ವುಝೂ ಪ್ರಾರಂಭಿಸುವ ಮೊದಲು ಬಿಸ್ಮಿಲ್ಲಾಹ್ ಹೇಳಿರಿ. [ಅಬೂ ದಾವೂದ್]

   3.   ಎರಡು ಮುಂಗೈಗಳನ್ನು ಮೂರು ಸಲ ತೊಳೆಯಿರಿ. [ಅಬೂ ದಾವೂದ್]

   4.   ಬಲಕೈಯಲ್ಲಿ ಒಂದು ಮುಷ್ಠಿ ನೀರು ತೆಗೆದುಕೊಂಡು ಅರ್ದಾಂಶದಿಂದ ಬಾಯಿ ಮುಕ್ಕಳಿಸಿರಿ. ಇನ್ನರ್ದಾಂಶವನ್ನು ಮೂಗಿನೊಳಗೆ ಎಳೆದುಕೊಳ್ಳಿರಿ. (ಮೂರು ಸಲ). [ಬುಖಾರಿ]

   5.   ಮೂರು ಸಲ ಮುಖ ತೊಳೆಯಿರಿ ಮತ್ತು ದಾಡಿ ಶುಚಿಗೊಳಿಸಿರಿ. [ಬುಖಾರಿ]

   6.   ಬಲ ಕೈಯನ್ನು ಮೊಣಕ್ಕೆ ಗಂಟಿನ ಸಮೇತ ಮೂರು ಸಲ ತೊಳೆಯಿರಿ. [ಬುಖಾರಿ]

   7.   ಎಡಕೈಯನ್ನು ಮೊಣಕ್ಕೆ ಗಂಟಿನ ಸಮೇತ ಮೂರು ಸಲ ತೊಳೆಯಿರಿ. [ಬುಖಾರಿ]

   8.   ಎರಡೂ ಅಂಗೈಗಳನ್ನು ನೀರಿನಿಂದ ಒದ್ದೆ ಮಾಡಿಕೊಂಡು ಸಂಪೂರ್ಣ ತಲೆಯನ್ನು ಸವರಬೇಕು. (ಎರಡೂ ಅಂಗೈಗಳನ್ನು ಹಣೆಯಿಂದ ಕತ್ತಿನ ಹಿಂಬಾಗದ ತನಕ ಕೊಂಡೊಯ್ದು ಅಲ್ಲಿಂದ ಅದೇ ಪ್ರಕಾರ ಹಣೆ ತನಕ ಮರಳಿಸಬೇಕು) ಒಂದೇ ಸಲ. [ಬುಖಾರಿ]

   9.   ಒಂದು ಸಲ ಕಿವಿಗಳ ಒಳಗೆ ಮತ್ತು ಹೊರಗೆ ಸವರಬೇಕು. [ತಿರ್ಮಿದಿ, ನಸಾಈ]

   10. ಬಲ ಕಾಲಿನ ಹರಡನ್ನು ಗಂಟಿನ ಸಮೇತ ಮೂರು ಸಲ ತೊಳೆಯಬೇಕು. [ಬುಖಾರಿ]

   11.  ಎಡ ಕಾಲಿನ ಹರಡನ್ನು ಗಂಟಿನ ಸಮೇತ ಮೂರು ಸಲ ತೊಳೆಯಬೇಕು. [ಬುಖಾರಿ]

   
ಸೂಚನೆ: ಕೈಕಾಲುಗಳನ್ನು ತೊಳೆಯುವಾಗ ಬೆರಳುಗಳ ಮಧ್ಯೆ ಬೇರಳೋಡಿಸಿ ಶುದ್ದೀಕರಿಸಬೇಕು.