ಆದಿಯೂ ಅಂತ್ಯನಾದ ಆದ ಯೇಸು [The Alpha and Omega] - ತಿದ್ದುಪಡಿ

ಪ್ರಕಟಣೆ ಪುಸ್ತಕ ಒಂದು [Book of Revelation 1] 8ನೇ ವಚನದಲ್ಲಿ ಯೇಸು ಆದಿಯೂ ಅಂತ್ಯನೂ ಆಗಿರುವವನೆಂದು ಸೂಚಿತವಾಗಿದೆ.    

 

“I am Alpha and Omega, the beginning and the ending, saith the Lord, which is, and which was, and which is to come, the Almighty.”

"ಪ್ರಭು ಹೇಳುವುದೇನೆಂದರೆ ನಾನೇ ಆದಿಯೂ ಅಂತ್ಯವೂ ಆಗಿದ್ದೇನೆ. ನಾನು ವರ್ತಮಾನ ಭೂತ, ಭವಿಷ್ಯತ್ ಕಾಲಗಳಲ್ಲಿರುವಾತನು, ಸರ್ವಶಕ್ತನು". 

[ಪ್ರಕಟಣೆ 1: 8]

ಕಿಂಗ್ ಜೇಮ್ಸ್ ವರ್ಸನ್'ನಲ್ಲಿರುವ ಈ ಪದ ಸಮುಚ್ಚಯಗಳು ಕರ್ತನಾದ ದೇವನು ತನ್ನ ಬಗ್ಗೆಯೇ ನುಡಿದ ವಚನಗಳಾದರೂ ಮೇಲ್ನೋಟಕ್ಕೆ ಇವುಗಳು ಯೇಸುವಿನ ಬಗ್ಗೆ ನುಡಿದ ವಚನಗಳೋ ಎಂಬಂತೆ ಕಂಡು ಬರುತ್ತದೆ. "ಆದಿಯೂ ಅಂತ್ಯನೂ" ಮತ್ತು "ಸರ್ವಶಕ್ತ"ನು ಎಂಬ ಗುಣ ವಿಶೇಷಣಗಳು ಕರ್ತನಾದ ದೇವನಿಗೆ ಮಾತ್ರ ಮೀಸಲಾದವು ಗಳಾದುದರಿಂದ ಇವುಗಳ ಆಧಾರದಿಂದ ಯೇಸು ದೇವನಾಗಿರುವನು ಎಂಬುದು ಆರಂಭ ಕಾಲದ ಕ್ರೈಸ್ತರ ಒಂದು ವಾದವಾಗಿತ್ತು.

ಆದರೆ ರಿವೈಸ್ ಸ್ಟಾಂದರ್ಡ್ ವರ್ಶನ್'ನಲ್ಲಿ ಬೈಬಲ್ ವಿದ್ವಾಂಸರು ಇದನ್ನು ಕರ್ತನಾದ ದೇವನಿಗೆ ಮಾತ್ರ ಅನ್ವಯವಾಗುವಂತೆ, ಯೆಸುವಿಗೆ ಅನ್ವಯವಾಗದ ರೀತಿಯಲ್ಲಿ ತಿದ್ದಿ ಸರಿಪಡಿಸಿದ ಭಾಗ ಹೀಗಿದೆ:

“I am the Alpha and the Omega, says the Lord God, who is and who was and who is to come, the Almighty”

"ಪ್ರಭು ದೇವರು ಹೇಳುವುದೇನೆಂದರೆ ನಾನೇ ಆದಿಯೂ ಅಂತ್ಯವೂ ಆಗಿದ್ದೇನೆ. ನಾನು ವರ್ತಮಾನ, ಭೂತ, ಭವಿಷ್ಯತ್ ಕಾಲಗಳಲ್ಲಿರುವಾತನು, ಸರ್ವಶಕ್ತನು".

ನ್ಯೂ ಅಮೇರಿಕನ್ ಬೈಬಲ್'ನಲ್ಲೂ ಇದನ್ನು ತಿದ್ದಿ ಸರಿಪಡಿಸಲಾಗಿದೆ:

“The Lord God Says: I am the Alpha and the Omega, the one who is and who was, and who is to come, the Almighty.”

"ಪ್ರಭು ದೇವರು ಹೇಳುತ್ತಾನೆ: ನಾನೇ ಆದಿಯೂ ಅಂತ್ಯವೂ ಆಗಿದ್ದೇನೆ. ನಾನು ವರ್ತಮಾನ, ಭೂತ ಭವಿಷ್ಯತ್'ಗಳಲ್ಲಿರುವಾತನು, ಸರ್ವಶಕ್ತನು".

ಈ ತಿದ್ದುಪಡಿಗಳಿಂದ ಇದು ದೇವನ ಹೇಳಿಕೆಯೇ ಹೊರತು ಯೇಸುವಿನದಲ್ಲ ಎಂಬುದು ವ್ಯಕ್ತವಾಗುತ್ತದೆ.