ಸಲಾಮ್ ಕುರಿತು ಇಸ್ಲಾಮ್ ಏನು ಹೇಳುತ್ತದೆ

ಅಬೂ ಹುರೈರಾ [ರ] ಹೇಳುತ್ತಾರೆ - ಪ್ರವಾದಿ [ಸ] ಹೇಳಿದರು: ಕಿರಿಯವನು ಹಿರಿಯವನಿಗೆ,  ನಡೆಯುವವನು ಕೂತವನಿಗೆ ಮತ್ತು ಸಣ್ಣ ತಂಡ ದೊಡ್ಡ ತಂಡಕ್ಕೆ ಸಲಾಮ್ ಹೇಳಬೇಕು.

ಇನ್ನೊಂದು ವರದಿಯಲ್ಲಿ ಅವರು ಹೇಳುತ್ತಾರೆ - ಪ್ರವಾದಿ [ಸ] ಹೇಳಿದರು: ವಾಹನದಲ್ಲಿರುವವನು ನಡೆಯುವವನಿಗೆ, ನಡೆಯುವವನು ಕೂತವನಿಗೆ ಮತ್ತು ಸಣ್ಣ ತಂಡ ದೊಡ್ಡ ತಂಡಕ್ಕೆ ಸಲಾಮ್ ಹೇಳಬೇಕು. 

[ಸಹೀಹ್ ಬುಖಾರಿ, ಅಧ್ಯಾಯ ಅನುಮತಿ ಕೇಳುವುದು]  

ಅಬ್ದುಲ್ಲಾ ಬಿನ್ ಅಮ್ರ್ [ರ] ಹೇಳುತ್ತಾರೆ - ಒಬ್ಬರು ಪ್ರವಾದಿಯವರಲ್ಲಿ ಕೇಳಿದರು - ಇಸ್ಲಾಮಿನಲ್ಲಿ ಹೆಚ್ಚು ಪ್ರಯೋಜನಕಾರಿಯಾದ ಕರ್ಮ ಯಾವುದು? ಪ್ರವಾದಿ [ಸ] ಹೇಳಿದರು - ಆಹಾರ ಉಣಿಸುವುದು ಮತ್ತು ನಿನ್ನ ಪರಿಚಿತರಿಗೂ ಅಪರಿಚಿತರಿಗೂ ಸಲಾಮ್ ಹೇಳುವುದು. 

[ಸಹೀಹ್ ಬುಖಾರಿ, ಅಧ್ಯಾಯ ಅನುಮತಿ ಕೇಳುವುದು]  

ನಿಸ್ಸಂದೇಹವಾಗಿಯೂ ಜನರ ಪೈಕಿ ಅಲ್ಲಾಹನಿಗೆ ನಿಕಟರಾಗಿರುವವರು "ಸಲಾಮ್'ನ್ನು ವ್ಯಾಪಕಗೊಳಿಸುವವರಾಗಿದ್ದಾರೆ. 

[ಅಬೂ ದಾವೂದ್ (ಸಹೀಹ್)]

ಸಲಾಮ್'ನೊಂದಿಗೆ ತನ್ನ ಮನೆಯನ್ನು ಪ್ರವೇಶಿಸುವ ವ್ಯಕ್ತಿಯು ಅಲ್ಲಾಹನ ರಕ್ಷಣೆಯಲ್ಲಿರುವವನು. 

[ಬುಖಾರಿ]