ಧಾರ್ಮಿಕ ಸಭೆಗಳ ಮಹತ್ವ

ಪ್ರವಾದಿಯವರು [ಸ] ಮಸೀದಿಯಲ್ಲಿ ತಮ್ಮ ಸಂಗಾತಿಗಳ ಒಂದು ತಂಡದ ಬಳಿಗೆ ಹೋದರು. ನೀವು ಇಲ್ಲಿ ಒಟ್ಟಾಗಿ ಏಕೆ ಕುಳಿತುಕೊಂಡಿದ್ದೀರಿ ಮತ್ತು ಏನು ಮಾಡುತ್ತಿದ್ದೀರಿ ಎಂದು ಕೇಳೀದರು. ಸಹಾಬಿಗಳು ಹೇಳಿದರು - ನಾವಿಲ್ಲಿ ಕುಳಿತು ಅಲ್ಲಾಹನನ್ನು ಸ್ಮರಿಸುತ್ತಿದ್ದೇವೆ, ಅವನು ನಮಗೆ ಇಸ್ಲಾಮಿನ ಹಾದಿಯನ್ನು ತೋರಿಸಿ, ಈಮಾನ್ ಅನುಗ್ರಹ ದಯಪಾಲಿಸುವ ಮೂಲಕ ನಮ್ಮ ಮೇಲೆ ಮಾಡಿದ ಉಪಕಾರಕ್ಕಾಗಿ ಅವನಿಗೆ ಕೃತಜ್ಜತೆ ಸಲ್ಲಿಸುತ್ತಿದ್ದೇನೆ. ಆಗ ಪ್ರವಾದಿ [ಸ] ಕೇಳಿದರು - ಅಲ್ಲಾಹನಾಣೆ! ನೀವು ಅದಕ್ಕಾಗಿಯೇ ಕುಳಿತಿರುವಿರಾ? ಸಹಾಬಿಗಳು ಹೇಳಿದರು - ಹೌದು! ಅಲ್ಲಾಹನಾಣೆ! ನಾವು ಅದೇ ಉದ್ದೇಶಕ್ಕಾಗಿ ಇಲ್ಲಿ ಕುಳಿತಿದ್ದೇವೆ. ಆಗ ಪ್ರವಾದಿ [ಸ] ಹೇಳೀದರು - ನಾನು ಆಣೆ ಹಾಕಿಸಿದ್ದು ನೀವು ಸುಳ್ಳುಗಾರರೆಂದಲ್ಲ. ಬದಲಾಗಿ ಹ. ಜಿಬ್ರೀಲ್ [ಅ] ನನ್ನ ಬಳಿಗೆ ಬಂದು ಅಲ್ಲಾಹನು ನಿಮ್ಮ ಬಗ್ಗೆ ಮಲಕ್‌ಗಳ (ದೇವಚರರ) ಸಭೆಯಲ್ಲಿ ಹೆಮ್ಮೆ ಪಡುತ್ತಿದ್ದಾನೆ ಎಂದು ತಿಳಿಸಿದರು. (ವರದಿ: ಮುಆವಿಯಾ [ರ]) 

[ಮುಸ್ಲಿಮ್, ನಸಾಈ, ತಿರ್ಮಿದಿ]